काठमाडौं – पछिल्लो समय राष्ट्रिय सहमतिको सरकारको वकालत गरिरहेका नेकपा माओवादी केन्द्रका अध्यक्ष प्रचण्डले सरकारमा निस्प्रभावी भएर आफ्नो पार्टी बस्ननहुने धारणा राखेका छन् ।
मंगलबार बसेको पार्टीको पोलिटब्युरो बैठकमा संक्षिप्त धारणा राख्दै उनले सो कुरा बताएका हुन् । ‘सरकारमा यसरी निरिह भएर बस्नुभन्दा बरु प्रतिपक्षमा नै बसेर जनताको कुरा उचित हुन्छ,’ कुनै एक प्रशंगमा प्रचण्डको भनाई उद्धृत गर्दै बैठकमा सहभागी एक नेताले भने ।
आजदेखि शुरु भएको बैठकमा ७ वटै प्रदेश र प्रवासबाट राजनीकि र संगठनात्मक कामको रिर्पोटिङ गरिएको थियो ।
त्यस्तै वर्षमान पुनले संगठनात्मक र निर्वाचनका विषयमा चुनावसम्म कसरी जाने भन्ने कार्यविधि प्रस्तुत गरेका थिए ।
आज प्रस्तुत भएका संगठनात्मक र निर्वाचन विधिबारे कार्यदलको रिपोर्टबारे बुधबार बस्ने बैठकमा छलफल गरिनेछ । साथै सम्मेलनको कार्यतालिका महाधिवेशनको मिति केन्द्रीय संगठनात्मक संरचना, राजनीतिक परिस्थितिलगायतका विषयमा बुधबारको बैठकमा छलफल गरिने बताइएको छ ।
