११ साउन, काठमाडौं । राष्ट्रपतिले जारी गरेको बाधा अड्काउ फुकाउ आदेशमाथि संसदमा चलेको छलफलमा भाग लिदै नेपाली कांग्रेसका सांसद सुरेन्द्र चौधरीले पूर्वसभामुख सुवास नेम्वाङलाई एउटा ‘ग्याङको नेता’ भनेपछि संसदमा हंगामा भएको छ ।
छलफलमा भाग लिँदै कांग्रेस संसद चौधरीले पूर्व सभामुख नेवाङलाई एउटा ‘ग्याङको नेता’ भने । लगत्तै एमाले सांसदहरुले विरोध गर्दै नियमापत्ति गरेका थिए ।
एमाले सांसदहरुको विरोधपछि सभामुख ओनसरी घर्ती मगरले ‘ग्याङ’ शब्दलाई रेकर्डबाट हटाउन आदेश दिइन् ।
साथै उनले शिष्ट र मर्यादित भाषा प्रयोग गर्न सांसदहरुलाई आग्रह गरेकी छन् ।
