नेपाली कांग्रेसका प्रभावशाली नेता एवम् पूर्व मन्त्री कृष्ण प्रसाद सिटौलाले आफ्नै पार्टीका सभापति शेरबहादुर देउवाको खरो आलोचना गरेका छन् ।
उनले सभापति देउवाले पार्टीलाई विधि, विधान र नीति अनुसार चलाउन नसकेको आरोप लगाए । आजको दिनमा देउवाको नेतृत्व पक्कापक्की असफल भएको उनको दबाी छ ।
बुधबार राति प्राईम टाईम्स टेलिभिजनको “जनता जान्न चाहन्छन” कार्यक्रममा पत्रकार ऋषि धमलासँग कुरा गर्दै नेता सिटौलाले अबको महाधिवेशनमा कस्तो समिकरण बन्छ भन्ने कुरापनि स्पष्ट नभएको जिकिर गरे ।
आफूलाई मिलेर जानुपर्छ भनेर नेता शेखर कोइरालाले आग्रह गरिरहेको सुनाउँदै उनले भने,”तर मिल्ने भनेको त विचार, सिद्धान्छ, आचरण र नीतिले हो ।”
सोही कार्यक्रममा सिटौलाले सत्तारुढ दल नेकपाका अध्यक्ष एवम् पूर्वप्रधानमन्त्री पुष्पकमल दाहाल प्रचण्डको भने प्रशंसामात्रै गरे ।
