प्रमुख प्रतिपक्षी दल नेकपा एमालेका महासचिव ईश्वर पोखरेलले सत्तारुढ दलको ‘डिजाइन’मा चुनाव सारिएको बताउनुभएको छ ।
शुक्रबार प्रेस चौतारी नेपालले गरेको अन्तरसम्वाद कार्यक्रममा बोल्दै महासचिव पोखरेलले सत्तारुढ नेपाली कांग्रेसले २ नम्बर प्रदेशमा आफ्नो वर्चश्य कायम गर्न राजपालाई देखाएर चुनाव सारिएको दाबी गर्नुभयो । ‘राजपालाई देखाएर कांग्रेसको योजनामा चुनाव सारिएको हो,’ उहाँले भन्नुभयो– ‘यसका मुख्य योजनाकार विमलेन्द्र निधि भएको कुरा हाम्रो जानकारीमा आएको छ ।’
चुनाव सार्ने निर्णय मधेसी जनताको चाहनाविपरित रहेको भन्दै उहाँले दोस्रो चरणको निर्वाचनमा एमाले पहिलो शक्ति बन्ने ठोकुवा गर्नुभयो ।
