एनआरएनए महिला संयोजकमा अष्ट्रेलियाबाट लिम्बूको उम्मेद्वारी घोषणा

गैरआवासीय नेपाली संघ अन्तर्राष्ट्रिय समन्वय परिषद(एनआरएनए)को महिला संयोजक पदमा अष्ट्रेलियाबाट भोमा लिम्बूले उम्मेद्वारी घोषणा गर्नुभएको छ ।
एनआरएन अभियानमा एक दशकदेखी सक्रिय लिम्बूले एनआरएनए अष्ट्रेलियाको सचिव, उपाध्यक्ष, आईसीसी सदस्य हँुदै ओशिनिया उपसंयोजकको भएर काम गरिसक्नु भएको छ ।
अघिल्लो कार्यसमितिमा ओशियाना संयोजकमा पराजित लिम्बु वर्तमान कार्यसमितिमा दोश्रो पटक एनआरएनए आईसीसी सदस्यको रुपमा सक्रिय हुनुहुन्छ । ताप्लेजुङ सन्बाकी लिम्बु झन्डै दुई दशकदेखि अस्ट्रेलियामा नर्सको रुपमा कार्यरत हुनुहुन्छ ।
‘हाम्रो अभियान, महिला शसक्तिकरण’ भन्ने नारासहित महिला संयोजकको उम्मेद्वारी घोषणा गर्नुभएकी लिम्बुले एनआरएन अभियान र नेतृत्व तहमा महिला सहभागिता कम रहेकाले महिला सशक्तिकरण आफ्नो मुख्य एजेन्डा भएको बताउनुभयो ।
एनआरएनएको आठौँ विश्व सम्मेलन असोज २८ गतेदेखि ३१ गतेसम्म काठमाडौंमा हुँदैछ । सम्मेलनमा विश्वका ७५ भन्दा बढी देशका एनआरएनको उपस्थिती रहने छ ।