एकवर्षसम्म प्रकाशित रचनाहरुमध्येबाट उत्कृष्ट एक सिर्जनालाई पाठक प्रतिक्रिया तथा निर्णायकहरुको छनोटका आधारमा प्रदान गरिने साताको साहित्य पुरस्कार कवि नवीन प्यासीको ‘आशीर्वाद’ कवितालाई प्रदान गरिने भएको छ ।
सुजित सिग्देल, ऋषि आचार्य, महेन्द्र पौडेल, संजीव पाण्डे र निष्प्रभ सजी निर्णायक रहेको समितीले छानेको तीन कृतिहरु बाबु त्रिपाठीको ‘रोल्पाको रंग’ र जीवन खत्रीको ‘आमाको पटुका’ मध्ये प्यासीको कवितालाई उत्कृष्टका रुपमा छानिएको थियो ।
नेपालमा केही महिनापछि औपचारिक कार्यक्रम गरी कवि प्यासीलाई पुरस्कार हस्तान्तरण गरिनेछ ।
यस पुरस्कारको राशि २० हजार रुपैयाँ र तामपत्र रहेको छ ।
साताको साहित्य पुरस्कारबाट साहित्यकारहरु रविन्द्र समीर, रमेश सायन, मुकुन्द प्रयास, नवराज पराजुली, बोनम प्रताप र प्रोल्लास सिन्धुलीय पुरस्कृत भइसकेका छन् ।
