४३ वर्षीय सुशीला कार्कीको हत्याका आरोपित पोखरा महानगरपालिका वडा नं १४ चाउथे बस्ने पति ४६ वर्षीय राम बहादुर कार्कीलाई प्रहरीले गिरफ्तार गरेको छ ।
पुष १२ गते कुटपिट गरेपछि घाइते सुशिलालाई गण्डकी मेडिकल कलेजमा उपचारका लागी लगिएको थियो । अस्पतालले प्यारलाइसिस भएको भन्दै थेपारी गर्न सल्लाह दिएको छ । सोही अनुरुप पोखरा महानगरपालिका वडा नं ९ न्यूरोड स्थित स्पर्श आयुर्वेदमा थेपारी पश्चात पुनः उनलाई गण्डकी मेडिकल कलेज लगिएको थियो । अस्पतालमा उपचारका क्रममा माघ २४ गते सुशिलाको मृत्यु भयो ।
घटना पश्चात मृतकका आफन्तले श्रीमान कै कारण मृत्यु भएको भन्दै जिल्ला प्रहरी कार्यलय कास्कीमा माघ २४ गते उजुरी दिएका थिए । उजुरी पश्चात सोही दिन आरोपितलाई प्रहरीले गरिफ्तार गरेको थियो । जिल्ला प्रहरी कार्यलय कास्कीले माघ २७ गते आइतबार कतव्र्य ज्यानमा म्याद थप गरि अनुसन्धान अगाडी बढाएको जिल्ला प्रहरी कार्यलय कास्कीका डिएसपी रविन्द्रमान गुरुङले जानकारी दिए ।
‘हत्या नै हो वा होइन त अनुसन्धान बाट खुल्नेछ अस्पतालले मृत घोषण गरे पश्चात आफन्तले कर्तव्य ज्यानको उजुरी दिनुभएको छ , हामिले आरोपिलाई गिरफ्तार गरि कर्तव्य ज्यान मुद्धामा म्याद थप गरि अनुसन्धान अगाडी बढाएका छौं’,डिएसपी गुरुङले भने ।
मृतकको पोष्ट मार्टम पोखरा स्वास्थ्य विज्ञान प्रतिष्ठानमा गरिएको छ ।
