पोखरा ,४ पुस । युवा संघ रुपन्देही जिल्ला अध्यक्ष दुर्गा तिवारीको हत्याको बिरोधमा युवा संघ कास्कीको आयोजनामा मोटरसाइकल र्याली सम्पन्न भएको छ । राती करिब ९ बजे एमाले पार्टी कार्यलय बाट निस्किएको र्यालिमा करिब ५०० जना सहभागी भएका थिए ।
र्यालिमा सहभागीहरुले हत्यारालाइ कारबाही गर , युवा संघ नेपाल जिन्दावाद , नागरिकलाई सुरक्षाको प्रत्याभुती गर , नालायल सरकार राजीनामा दे जस्ता नारा लगाएका थिए ।
र्याली नयाँबजार , महेन्द्रपुल , चिप्लेढुङा, न्युरोड हुँदै सभागृह चोकमा पुगेर कोण सभामा परिणत भएको थियो ।
कोण सभालाइ सम्बोधन गर्दै युवा संघ गण्डकी अध्यक्ष नवराज ओझाले यो बिरोध साङ्केतिक मात्रै भएको बताउदै भोलि देखि अझ आक्रमक रुपमा प्रस्तुत हुने बताए ।हत्यारा जो सुकै होस् उनेल भने :- ‘२४ घण्टा भित्र हत्यारालाइ सार्बजनिक गरेर कारबाहीको दायारामा ल्याएन भने त्यसले ठूलो सङ्कट निम्त्याउने छ , सरकारले ठूलो चुकाउनु पर्नेछ ।
एमाले जिल्ला कमिटी सदस्य तथा युवा नेता दिलिप न्यौपानेले हत्या सुनियोजित भएको दाबी गरे । संसोधन प्रस्तावको बिरोधका कार्यक्रमको नेतृत्व गरिरहनु भएको थियो , न्यौपानेले भने:- हत्या त्यसैको बदलाका लागि सुनियोजित रुपमा गरिएको हुन सक्ने आशङ्का छ । उनले एमालेलाई कमजोर नठान्न सरकार र मधेसी मोर्चालाइ चेतावनी दिए ।
यस्तै केन्द्रिय कार्यक्रम अनुरुप भोलि दिउँसो युवा संघ कास्कीको आयोजनामा १ बजेदेखी २ बजे सम्म चक्काजामको घोषणा गरिएको युवा संघ कास्की अध्यक्ष बिष्णु पुनले जानकारी दिए ।
युवा संघका रुपन्देहीका अध्यक्ष तिवारीको सोमबार अपरान्ह करिब ३:३० बजे रुपन्देहीको देवदह नगरपालिका–६,खैरेनीमा हिँडिरहेको बेला मोटरसाइकलमा आएका दुईजनाले गोली हानी हत्या गरेका हुन् ।
