भारतको केन्द्रीय अनुसन्धान निकाय सीबीआईको विशेष अदालतले विहार राज्यका पूर्व मुख्यमन्त्री लालुप्रसाद यादवलाई पशुपंक्षीको दानासम्बन्धी भ्रष्टाचार काण्डमा साढे तीन वर्षको जेल सजाय सुनाएको छ।
दुई साताअघि उक्त काण्डमा दोषी ठहर गरिएका उनलाई शनिबार अदालतले सजाय तोकेको हो।
लालुप्रसाद यादव अहिले राँचीको बिरसा मुण्डा जेलमा छन्।
राँचीस्थित स्थानीय पत्रकार नीरज सिन्हाका अनुसार भिडिओमार्फत गरिने प्रत्यक्ष कुराकानी ‘भिडिओ कन्फेरेन्सिङ’को माध्यमबाट सजाय सुनाइएको थियो।
