नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्डका पुत्र प्रकाश दाहाललाई ‘प्रबल जनसेवा श्री’ पदक दिने निर्णयको कडा आलोचना गरेका छन् ।
काठमाण्डु महानगरमा जित हात पारेपछिको विजय सभालाई सम्बोधन गर्दै ओलीले सोधे – ‘प्रधानमन्त्रीज्यू कतिवटा विवाह गर्यो भने सम्मान पाइन्छ ?’
ओलीले डाडु पन्यौ आफ्नो हातमा भएको बेला प्रधानमन्त्री पुत्रलाई समाजसेवीको रुपमा प्रसिद्ध जनसेवा श्री पदक दिइएको आरोप लगाए ।
‘यो देशमा सम्मान गर्ने कांग्रेस र माओवादी बाहेक कोही छैन ?’, ओलीले भने, ‘सम्मानमा शरम व्यक्त गर्नुपर्ने । आफ्ना गुरिल्लालाई सम्मान । प्रधानमन्त्रीज्यू कतिवटा विवाह गर्यो भने सम्मान पाइन्छ ?’
उनले प्रधानमन्त्रीलाई लोकलाज राख्न समेत सुझाव दिएका छन् । ‘सार्वजनिक पदमा बसेपछि मर्यादा राख्नुस् । छोरालाई पुल्लपुल्याउनुस् तर यो त राज्यको ढुकटी र राज्यको तक्मा पदकको अपमान हो,’ उनले भने ।
उनले पदक वितवरणलाई एमालेले अपमानको व्यवस्था भन्दै अस्वीकार गर्ने बताए । ‘म सोध्न चाहान्छु प्रधानमन्त्रीज्यू के तपाईँको छोरा साँच्चै महान सेवासेवी हुन् ? जसले देशका लागि के गरे ?’
गणतन्त्र दिवसको अवसरमा सरकारले प्रकाश दाहाललाई प्रवल जनसेवा श्री मानपदवी दिने निर्णय गरेको थियो । तर प्रकाश दाहालले भने पदक नलिने घोषणा गरिसकेका छन् ।
