नेकपा माओवादी केन्द्र जिल्ला कार्यसमिति नवलपरासीले निर्वाचनका क्रममा आइतबार आयोजित र्यालीलाई निशाना बनाएर सोमनाथ पुलमा भएको विष्फोटको भत्सर्ना गरेको छ ।
माओवादी केन्द्रका इन्चार्ज घनश्याम यादवले सोमबार विज्ञप्ति जारी गर्दै सरकार र निर्वाचन आयोगको चरम लापरवाहीका कारण घटना भएको जनाएका छन् ।
उनले घटनामा घाइते भएकाहरुको निशुल्क स्वास्थ्य उपचार गर्न सरकारसँग माग गरेका छन् । सो घटनामा परि २० माओवादी कार्यकर्ता घाइते भएको माओवादीले जनाएको छ ।
आइतबार माओवादीको चुनावी र्यालीलाई लक्षित गर्दै नवलपरासीको सुनवल नगरपालिका सोमनाथ पुलमा विद्युतीय विष्फोट भएको थियो ।
