तेह्रथुम जिल्ला म्यनछेयम गाउँपालिका वडा नं ६ सिक्देम निवासी होम बहादुर थापा हाल अमेरिकामा छन । उनले बिगतमा इजरायलमा बस्दाखेरि झापा जिल्ला सतासीधाम नपा. वडा नम्बर ४ निवासी बिष्णु प्रसाद खेरलका छोरा सुभाष खरेल नाम गरेका ब्यक्तिलाइ मिति २०६४/९/२० मा आफ्ना केही मान्छेहरुलाई इजरायलमा ल्याइदिने र रोजगारीको ब्यबस्था गरिदिने सर्तमा नेपाली रकम जम्मा ३२ लाख रुपैयाँ तमसुक गरि दिएका थिए तर निज सुभाष खरेलले मान्छेहरुलाई इजरायलमा ल्याउने त कुरै छाडौं आजको मितिसम्म होम बहादुर थापासँग सम्पर्कबिहिन भएको थापाले बताए ।
उनले दिएको उक्त रकम को सबुत प्रमाण सहित निज सुभाष खरेलको तस्बिर युएसनेपाल न्युजले पाएको छ । सम्पुर्ण मिडिया लगायत फेसबुकका साथीहरू ले यो ब्यक्ति को खोजिकार्य गरेर सहयोग गरिदिनको लागि थापाले अग्रह गरेका छन । मेहनतको कमाई लिएर सम्पर्क बिहिन भएको दलाललाई छिटो भन्दा छिटो पक्रन सहयोग गरिदिन पिडित होम बहादुर थापाले पत्रकार छत्र लकाइ खड्कालाई टेलिफोन मार्फत अमेरिकाबाट अनुरोध गरेका छन ।
