भर्जिनियाको मनासस शहरमा सन् २००८ मा स्थापना भएको अमेरिका नेपाल सहयोगी समाजको अध्यक्ष पदमा केदारप्रसाद तिम्सिना निर्वाचित भएका छन । नव निर्वाचित समितिमा पुरुषभन्दा महिलाको सहभागिता ज्यादा रहेको छ ।
बार्षिक साधारण सभामा नव निर्वाचित कार्यकारी समितिले सपथ ग्रहण गर्नुको साथै पद हस्तान्तरण कार्यक्रम समेत सम्पन्न भएको छ । एएनएचएस स्थापना काल देखि नै सक्रिय भूमिका निर्वाह गर्दै आएका नव निर्वाचित अध्यक्ष तिम्सिनाले सबैलाई धन्यबाद दिएका छन् ।
तिम्सिनाले पहिलो समितिले गर्न नसकेका कामलाई निरन्तरता दिने बताए । उन्ले समाजले के चाहान्छ ? समाजका सरसल्लाह र सुझाव लिएर अगाडि बढ़ने बताए ।
स्थापना कालदेखि नै निकै क्रियाशील रहेको संस्थामा अहिले सम्म निर्वाचित भएका सबै कार्यकालका नेतृत्व तथा पदाधिकारीहरु सर्वसम्मतिबाट नै सबै पद निर्बिरोध चयन गर्दै आई उदाहरण बनेको छ ।
भर्खरै निवर्तमान अध्यक्ष बनेकी कमला खरेलले हामी परिवार भएकोले यस संस्थालाई सदैव आफ्नो साथ र सहयोग रहने बताईन । आगामी मे १८ र १९ तारिखका दिन गैर आवासीय नेपाली संघ अमेरिकाको निर्वाचनको व्यापक प्रतिस्प्रद्धा भै रहेको अवस्थामा निर्बिरोध हुनुले समुदायमा राम्रो संदेश दिन सफल भएको छ ।
निर्वाचन समितिमा एएनएचएसका संस्थापक अध्यक्ष सागर कडेल,कमल भट्टराई र उत्तम गौतम रहेका थिए । निर्वाचन आयुक्त रहेका कमल भट्टराईले सपथ ग्रहण गराएका थिए ।
साधारण सभामा महा सचिव तथा कोषाध्यक्ष को प्रतिबेदन समेत प्रस्तुत गरिएको छ । निर्वाचित हुने पदाधिकारीहरुमा अध्यक्षमा केदार प्रसाद तिम्सिना वरिष्ठ उपाध्यक्षमा जानुकी ओझा, उपाध्यक्षमा रमेश ढकाल, महासचिवमा हरिराम भण्डारी, कोषाध्यक्षमा राम भक्त अधिकारी, सचिवमा आरती सिग्देल निर्वाचित भएका छन् ।
कार्यकारी समिति सदस्यहरुमा क्रमस मन्जु थापा, लक्ष्मी रेग्मी, मौसम श्रेष्ठ, यज्ञ चापागाई, क्षितिज न्यौपाने, बिष्णु केसी, संगीता लामा तथा कामना अधिकारी पन्थी निर्वाचित भएका छन् ।
साधारण सभामा दोश्रा पुस्ताका किशोरीहरुले नृत्य प्रस्तुत समेत गरेका थिए । यसको साथै एएनएचएस को बिधान समेत संसोधित भई पारित भएको छ ।
