गैर अावासीय नेपाली संघ (एनअारएन) को अक्टोबर दोस्रो साता काठमाडाैमा हुने विश्व सम्मेलनमा अमेरिकाबाट एकसय ८१ जना प्रतिनिधि सहभागी हुने भएका छन् ।
प्रतिनिधि छनाैट समितिले शनिबार राति एकसय ८१ जनाकै नाम छनोट गरेको छ । छनोटमा परेका सबैलाइ अाइतबारसम्म सम्पर्क राखेर प्रतिनिधि वापत दुइसय ५० डलर बुझाउन निर्देशन दिएको छ ।
प्रतिनिधि छनाैटमा अमेरिकाको प्रतिनिधित्व गर्नसक्ने र सक्षमलाइ पाखा लगाइएको गुनासो सदस्यहरूले गरेका छन् । ‘राम्रा भन्दा पनि हाम्रा’ भन्दै जथाभावी प्रतिनिधि छनोट गरिएको एनअारएन अमेरिकाका एक पुर्ब पदाधिकारीले बताए ।
यस पटकको प्रतिनिधि छनोटमा परेका केही नामावलीलाइ मूल्यांकन गर्दा योग्य भन्दा पनि मनलाग्दी रूपमा गरिएको देखिएको छ । एउटै परिवारका पती-पत्नी दुबैलाइ प्रतिनिधि बनाइएको ती पुर्व पदाधिकारीले बताए ।
स्रोतका अनुसार एनअारएन अमेरिकाका बोर्ड अफ डाइरेक्टर सञ्जय थापाले अाफ्नी पत्नी पुनम थापालाइ प्रतिनिधि बनाएका छन् । त्यस्तै एनअारएन अमेरिकाका पुर्व सचिव शंकर खड्का र उनकी पत्नी संगीता गाैतम पनि प्रतिनिधि भएर काठमाडाैँ जादैछन् ।
उता जनसम्पर्क समिति अमेरिकाका उपसभापति चेतप्रसाद (सिपी) पाैडेल र उनकी पत्नी एलिजा थापा पाैडेल पनि एनअारएनको विश्व सम्मेलनमा प्रतिनिधिका रूपमा सहभागी हुँदैछन् । जनसम्पर्क समिति अमेरिकाका पुर्व संयोजक विष्णु सुवेदी र उनकी पत्नी रेणुका सुवेदी पनि प्रतिनिधिका रूपमा सहभागी भएर जाने भएका छन् ।
त्यस्तै प्रतिनिधि छनाैट समितिका सदस्य प्रमोद सिटाैलाले माैकाका चाैका हान्दै अाफ्नी पत्नी नर्वदा सिटाैलालाइ प्रतिनिधिमा सिफारिस गरेका छन् । सिटाैला दशैँ मान्नका लागि सपरिवार झापा पुगेका छन् । दशै मान्न नेपाल पुगेको मेसोमा उनी सपत्नी एनअारएनको विश्व सम्मेलनमा सहभागी हुने भएका छन् ।
जनसम्पर्क समिति अमेरिकाका सभापति गोरख (अानन्द) विष्टलाइ प्रतिनिधिनै नबनाउन खेल खेलिएको स्रोतले बतायो । विष्टलाइ राख्नैपर्ने अवस्था देखिएपछि सबैभन्दा अन्तिममा उनको नाम राखिएको छ ।
एनअारएनका बारेमा सामान्य जानकारी समेत नभएकालाइ समेत भोटका लागि प्रतिनिधिका रूपमा राखिएको छ । विशेषगरि एनअारएनको अमेरिकाज क्षेत्र (अमेरिका र क्यानडा) को नेतृत्व हडप्ने नियतले प्रतिनिधि छनोट गरिएको छ ।
सबैभन्दा लाजमर्दो विषय चाहि विनोद भट्ट, बेद खरेल, धर्म श्रेष्ठ, विजय घिमिरे जस्ता एनअारएन बुझेकालाइ हटाएर केही व्यक्तिका पत्नीलाइ राखिएकोले यस पटक हायात होटलमा राम्रै चर्चा पाउने देखिएको छ ।
विध्यार्थीलाइ समेत प्रतिनिधिका रूपमा सहभागी गराएर लैजाने तयारी भएको छ ।
