५,पुष। गुटबन्दी अन्त्य गर्दै पार्टीलाई विधिविधानअनुसार सञ्चालन गर्ने प्रतिबद्धतासहित शेरबहादुर देउवाले नेपाली कांग्रेसको नेतृत्व सम्हालेको नौ महिना बितेको छ तर दुई महिनाभित्र गठन गर्नुपर्ने निकायसमेत अपूर्ण नैछ ।
१३ औँ महाधिवेशनअघिसम्म स्पष्ट दुई गुटमा विभाजित कांग्रेस अहिले आधा दर्जनभन्दा बढी समूहमा बाँडिएको छ । नागरिक दैनिकले समाचार छापेको छ ।
पार्टीभित्र रहेका अन्य समूहलाई मात्र होइन, निकटकालाई पनि मिलाउन नसक्दा देउावले नेतृत्व सम्हालेको नौ महिनासम्म सबै निकाय रिक्त छन् ।उपसभापति, महामन्त्री, सहमहामन्त्रीमनोनयनसहित विभाग र अन्य निकाय गठन प्रक्रिया समेत शुरु भएको छैन ।केन्द्रीय सदस्य श्याम घिमिरेले पार्टीमा भागबण्डा संस्कृति विकास हुँदा गुटबन्दी मौलाएको बताए ।
उपसभापति, महामन्त्री, सहमहामन्त्रीमा झण्डै एक दर्जन नेताआकांक्षी देखिएपछि देउवा अप्ठेरोमा परेका छन् ।निकटको व्यवस्थापन सहज नभएपछि पदाधिकारी मनोनयनमा विलम्भ भएको स्रोतको दाबी छ ।
