काठमाडौं । नेपाली कांग्रेसले देशभर निर्वाचन अभियान संचालन गर्न कार्यकर्तालाई निर्देशन दिएको छ ।
कांग्रेस सभापति शेरबहादुर देउवा र वरिष्ठ नेता रामचन्द्र पौडेलले मुलुक निर्वाचनमा गईसकेको उल्लेख गर्दै देशभर अभियान संचालन गर्न पार्टी नेता कार्यकर्तालाई निर्देशन दिएका हुन् ।
पार्टीका तत्कालीन सभापति एवम् पूर्वप्रधानमन्त्री सुशील कोइरालाको स्मृतिमा काठमाडौंमा आयोजित कार्यक्रममा सभापति देउवाले निर्वाचन समयमै हुनेमा ढुक्क हुन पनि सबैमा आग्रह गरे ।
उनले केही समय भित्रै पार्टी केन्द्रिय समितिले निर्वाचनको एजेन्डा तय गर्ने पनि स्पष्ट पारे ।
एक वर्ष भित्र तीन वटै तहको निर्वाचन हुनेमा शंका नगर्न आग्रह गर्दै उनले निर्वाचनको तयारीमा जुटन पार्टीका नेता कार्यकर्तालाई निर्देशन पनि दिए ।
