माग पूरा नभएको भन्दै स्थानीय तहको दोस्रो चरणको निर्वाचन बिथोल्ने घोषणा गरेको महन्थ ठाकुर नेतृत्वको संघीय गठबन्धनले तराईका जिल्लाहरूमा मसाल जुलुस प्रदर्शनको तयारी गरेको छ ।
गठबन्धनले विशेष गरेर मध्य तराईका जिल्लाहरूमा आज बेलुका मसाल जुलुस प्रदर्शनको कार्यक्रम राखेको छ । मसाल जुलुसको तयारीका लागि जिल्ला संघर्ष समितिहरूलाई निर्देशन दिइसकेको जनाइएको छ ।
राष्ट्रिय जनता पार्टी नेपालका नेता केशव झाले सरकारले माग पूरा गर्नेतिर कुनै चासो नदिएपछि बाध्य भएर मधेस, थरुहट र लिम्बुवानमा संघर्षका कार्यक्रम सार्वजनिक गरेको बताए ।
गठबन्धनले असार ३० र ३१ तथा असार १ र २ गते दुई दिन तराई बन्दको आह्वान समेत गरेको छ ।
