वलपरासीको प्रतापपुर गाउँपालिकामा नेपाली कांग्रेसका उम्मेदवारको टोली लखेटिएको छ ।
सुरक्षाको दृष्टिकोणले अति संवेदनशील प्रतापुर गाउँपालिकाको वठा नं ६ कठहवाँ गाउँमा घरदैलोमा निस्किएको कांग्रेसका सांसद देवकरण कलवार (सन्तु) सहित कांग्रेसका उम्मेदवार टोलीलाई शनिबार विहान राष्ट्रिय जनता पार्टी नेताका कार्यकर्ताले अवरोध गरी फर्काइदिएका हुन् ।
कांग्रेस सरकारले मधेशी जनताको माग पुरा नगरि बलजफती चुनाव गराउन लागेको भन्दै आक्रोशित राजपाका कायकर्ताले घरेलु हतियारसहित कांग्रेस टोलीलाई आक्रमणको प्रयास गरेका थिए । कांग्रेसका स्थानीय नेताका अनुसार आक्रमणको प्रयास भएपछि कांग्रेस टोली त्यहाँबाट सुरक्षित स्थलतर्फ लागेको थियो भने प्रहरीले अवस्थालाई नियन्त्रणमा लिएको थियो ।
प्रतापपुर गाउँपालिकाको वडा नम्बर ६ कठहवाँ राजपाका बरिष्ठ नेता हृदेश त्रिपाठीको गाउँ हो । नेता त्रिपाठी र कांग्रेस सांसद कलवारको एउटै वडा हो तर गाउँ ५ सय मिटर फरकमा छ । सांसद कलवारले नेता त्रिपाठीलाई गत संविधान सभाको निर्वाचनमा हराएका थिए ।
