सडक विभागअन्तर्गतका डिभिजनहरुमा २६ जना डीई(उपसचिव)काज सरुवा गरी भौतिक पूर्वाधार तथा यातायात मन्त्री रघुवीर महासेठ २०७५ असोज १४ मंगोलियातिर लागेका हुन् । असोज १२ मा सरुवा निकालेर उनी मंगोलियातिर लागेका छन् । सडक विभागका महानिर्देशक रविन्द्र श्रेष्ठलाई बाइपास गरी मन्त्री महासेठले सरुवा गरेको समाचार छ । स्रोतका अनुसार डीई सरुवामा ब्यापक आर्थिक चलखेल भएको स्रोतको दावी छ ।
समायोजनपछि मिलाउनेगरी काजसरुवा गर्न भौतिक मन्त्रालयका सचिव मधुसुदन अधिकारीले पनि मन्त्री महासेठलाई साथ दिएका छन् । आयोजनाहरुको अस्थायी दरबन्दी स्वीकृत नभएकाले सरुवा गरिएको छैन । डिभिजनहरुमा असोज १५ भित्रै सरुवा गर्नुपर्ने कानूनी प्रावधान छ ।
२६ वटा डिभिजनमा मुख्य मुख्य ठाउँमा चलखेल गरी सरुवा हुनेमा बुटवलका कैलाश श्रेष्ठ काठमाडौं डिभिजन, मेघराज मरासिनी दोहो¥याएर बुटवल गएका छन् । उनी १ बर्षअघिसम्म बुटवलमै कार्यरत थिए । उनले बुटवल डिभिजनमा हुँदा ३ अर्ब रुपैयाँको भुक्तानी गर्दा करोडौं रकम अनियमितता गरेको आरोप लागेको थियो ।
नेकपाका महासचिव बिष्णु पौडेलको सोर्समा मरासिनी एक बर्षमै बुटवलमा फर्किन सफल भएको स्रोतको दाबी । सडकका धनपति डीईमा गनिने मरासिनीलाई बुटवलमा सरुवा गर्न पौडेलले नै दबाब दिएको स्रोतको दाबी छ । त्यसैगरी धर्मेन्द्र झा चरिकोट डिभिजनमा सरुवा भएका छन् । उनी पनि नजराना बुझाएरै चरिकोटमा जान सफल भएको चर्चा छ ।
यसैगरी चरिकोट डिभिजनका अशोक तिवारी २ बर्षसम्म मस्तले कमाइ गरी विभागको पुलमा आएका छन् । अब उनी आकर्षक परियोजनामा सरुवा हुने दाउमा छन् । तिवारी मध्यपहाडी लोकमार्ग वा धरान चतरा आयोजना ताकिरहेका छन् । धरान चतरा पूर्वका आयोजना प्रमुख कर्णबहादुर रानाभाट पनि पुनः अर्को आयोजना ताकिरहेका छन् ।
सूर्य भाट हुलाकी सडकमा जाने दाउमा लागेको स्रोत बताउछ । हुलाकीमा कुस्त बजेट छ । हुलाकीबाट विभागमा आएका श्याम खरेल मदन भण्डारी लोकमार्ग आयोजनामा तरमार्न जाने दाउमा छन् ।
त्यसैगरी ७ जना डीईलाई प्रदेशमा सरुवा गरिएको छ । प्रदेशमा सरुवा हुनुलाई सकडमा खेदिएको मानिन्छ । प्रदेशमा सरुवा हुनेमा ललितपुरका सन्तोष कर्ण कर्णाली प्रदेशमा सरुवा भएका छन् । उनी कांग्रेस नेता विमलेन्द्र निधिको कृपाले राम्रो ठाउँ पाउँदै आएकाले पनि जनकपुरकै मन्त्री महासेठले उनलाई प्रदेशतिर सरुवा गरेको बुझिएको छ । २ नं प्रदेशमा सीडीई अंगुठालाल पटेल, कृष्णराज ओझा गण्डकी प्रदेश, रामकुमार देव, विष्णु चौलागाई प्रदेशतिर सरुवा भएका छन् ।
यसैगरी भौतिक मन्त्रालयले २१ इन्जीनीयरलाई प्रदेशमा खटाएको छ । नयाँबाट १९ र पुरानाबाट २ इन्जीनीयरलाई प्रदेशमा खटाइएको छ ।
