डोटी माघ २८, नेपाली गजलको प्रबद्र्धनका लागि डोटेली यूबा गजल श्रष्टाहरुले डोटी गजल मञ्च गठन गरेका छन् । शुक्रबार दिपायल स्थित डोटी उद्योग वाणिज्य संघमा भेला भएर यूबा गजलकारहरुले मञ्च गठन गरेका हुन । अध्यक्षमा कुशल पत्रकार तथा सर्जक पवन महरालाई चयन गरिएको छ ।
यस्तै सदस्यहरुमा सरिता कठायत, मुना मटेली, कैलाश कँुबर, कैलाश भट्टराई, गणेश साउँद, रोशन भट्ट, करुणा जोशी र छत्र कठायत चयन भएका छन् । यस्तै सल्लाहकारमा यूबा गजलकार हरु अरूण बम, नरेन्द्र ‘बिहानी’ र लोकेश ‘शिरिष’ अधिकारीलाई चयन गरिएको छ । यस अघि सोही समारोहमा सामुहिक गजल बाचन पनि गरिएको थियो । समारोहमा करिब दुई दर्जन यूबा गजलकारहरुको उपस्थिती रहेको थियो ।
डोटी गजल मञ्चको गठनसंगै आगामी दिनमा नियमित रुपमा गजल कार्यक्रमहरु संचालन गर्ने अध्यक्ष महराले बताए । यथासक्य चाँडो दर्ता गरेर संस्थालाई बिधिबत रुपमा संचालन गरिने समेत उनले बताए ।
डोटीमा अत्याधिक मात्रामा गजल लेखन हुने गरेको भएपनि औपचारिक कार्यक्रममा प्रस्तुत निकै कम हुन्छन् । यसै समस्यालाई हटाउन र गजलमनहरुलाई संगठित गरेर साहित्यीक क्रियाकलापमा जोड दिन मञ्चको गठन गर्न पहल गरिएको सचिव देउवाले बताए ।
