चितवनको भरतपुर महानगरपालिका वडानम्बर ११ मा नेकपा मालेका उम्मेदवार कृष्ण कुमालमाथि गोली प्रहार भएको छ । उनी भरतपुर महानगर वडा नम्बर ११ को अध्यक्षका उम्मेदवार हुन् ।
गोली लागेर घाइते भएका उनको नारायणी सामुदायीक अस्पतालमा उपचार भइरहेको नेकपा मालेका जिल्ला सचिव परशुराम लामिछानेले जानकारी दिए ।
भरतपुर-११ बसेनी तर्फको जंगलमा प्रहरीको तालिम चलिरहेको छ । त्यसतर्फ गइरहेका बेला उनीमाथि गोली लागेको हो । प्रहरीको तालिमका क्रममा झुक्किएर गोली लागेको हुनसक्ने अनुमानलाई चितवन मालेले अस्वीकार गरेको छ ।
उनले भने, ‘तालिम केन्द्रभन्दा तीन किलोमिटर वरै गोली लागेको छ ।’ घटनाको अनुसन्धान भइरहेको प्रहरीले जनाएको छ ।
