सिद्धार्थ राजमार्गअन्तर्गत् पाल्पाको सिद्धबाबामा शनिबार पहिरोमा परी तीनजनाको मृत्यु भएको छ । डाँडामाथिबाट खसेको ढुंगाले ट्रक र कार पुरिँदा तीनजनाको मृत्यु भएको हो ।
राति गएको पहिरो हटाएर सडक एकतर्फी सुचारु गरेको केहीबेरमै ढुंगा खसेर कार र ट्रक पुरिँदा दुईजनाको घटनास्थलमै र एकजनाको उपचारकाक्रममा मृत्यु भएको हो ।
मृत्यु हुनेका गुल्मीबाट बुटवल आउँदै गरेको लु१च ७९९४ नम्बरको कारमा रहेका गुल्मीको रुरु गाउँपालिकाका ५१ वर्षीय तिलकराम भण्डारी र कारचालक बलेटक्सारका यमलाल ज्ञवाली छन् ।
यस्तै, ना३ख ६१९१ नम्बरको ट्रकका चालक तीनाउ गाउँपालिकाका माधव रानाको पनि मृत्यु भएको क्षेत्रीय ट्राफिक प्रहरी कार्यालय बुटवलले जनाएको छ ।
