निरोज चौलागाई, सिन्धुपाल्चोक । सिन्धुपाल्चोकको लिसंखुपाखर गाउँपालिका भुमेस्थान आधारभुत विद्यालयमा अध्ययनरत १३ वर्षीय वालिकालाई विद्यालयका प्रधानअध्यापक मोहन भण्डारीले यौन दुव्र्यवहार गर्दै आएको खुलेको छ । भण्डारीले एक नाबालिकालाई दसैँ अगाडिदेखि नै यौन दुव्र्यवहार गर्दै आएको स्वयम् पीडीत बालिकाले परिवारका सदस्यलाई बताएपछि सो रहस्य खुलेको हो । उनी यसै वर्ष मात्रै भुमेस्थान प्राथमिक विद्यालयमा भर्ना भएकी थिइन् । विद्यालयमा भर्ना भएदेखि नै भण्डारीले उनलाई संवेदनशील अंगमा समात्ने तथा परिक्षा दिइरहेको बेला समेत दुःख दिएको पीडित बालिकाको भनाई छ ।
‘टिफिन समयपछि अंग्रेजी विषय पढाई हुन्छ । कक्षा ३ मा अध्ययनरत पीडीत बालिकाले भनिन्, ‘कक्षामा अगाडि बस्ने गरेको छु । तर शिक्षकले मलाई सबैभन्दा पछाडि लगेर राख्ने र कसैले नदेख्ने गरी त्यस्तो हर्कत गर्ने गरेका छन् ।’
सरले कक्षामा पस्नासाथ दैनिक क्रियाकलाप देखाउन भन्दै सबैलाई ठुलो स्वरले तर्साउने र विद्यार्थी आफ्नो काम गर्न थालेपछि सोही मौका छोपेर मेरो दिदीलाई संवेदनशील अंगमा समाप्ने गरेको पीडितकी बहिनी अनिशाले बताइन् । जिल्ला प्रहरी कार्यालयका प्रमुख एसपी मोहन पोखरेलले भने पीडित परिवारका सदस्यले उजुरी गरेको खण्डमा तत्काल पीडितलाई उद्धार गरी दोषीलाई कारवाही प्रक्रिया अगाडि बढाइने जानकारी गराए । सो विद्यालयका शिक्षक कुमार केसीले घटना सामान्य भएकाले मिलापत्र भएको बताए ।
परिवारको अवस्था:
देख्दा हसिलो अनुहार चनचनले स्वभावकी कमला (परिवर्तित नाम) उनको घरछिमेकमा नयाँ मान्छे आउने वितिक्कै पछि लागेर केहि कुरा गर्छन् कि भन्दै चासो दिएर सुन्न थाल्छिन् । आमा विदेशीएको एक वर्ष वित्यो । उनका बुबा मजदुरी गर्दै परिवार पाल्न दैनिक अरुको घर बनाउने काममा खटिन्छन् । आमा ओमन र बुवा ज्यालामजदुरी गरेर जीवन विताइरहेकाले उनको परिवारले राम्रो ख्याल गर्न समय दिन सकेको छैन् । बैदेशिक रोजगारीमा आमा विदेश गएको उनलाई राम्रो ज्ञान छ ।
आमा नहुंदाको पीडाः
कमलालाई थाहा छ, आमा नहुंदाको कस्तो पीडा हुन्छ भनेर । भाइ र बहिनी उनीसंगै विद्यालय जान्छन् अनि बुबा ज्यालामजदुरी गर्न । उनका बाबु सांझ मात्रै घर फर्कने गरेका छन् । पारिवारिक अवस्था कमजोर भएकै कारण उनले पटक–पटक विद्यालय छोडेर भुमेस्थान आधारभुत प्राथमिक विद्यालयमा दशैँअघि भर्ना भएकी थिइन् । अहिले भर्ना हुनु नै विद्यालय छोड्नुभन्दा ठूलो पीडा बनेको छ, उनलाई । विद्यालयमा भर्ना भएकै केहि समयपछि शिक्षकबाट लगातार यौन दुव्र्यवहार उनले सहनु पर्यो । यो कलिलो उमेरमा चोटिलो पीडा उनलाई सहनुको विकल्प पनि थिएन । भाइबहिनीसँग विद्यालय जान पाउंदा रमाएकी कमला अहिले विद्यालयमै शिक्षकबाट यौन दुव्र्यवहारको सिकार बन्न पुगेकी छन् । पीडितकी बहिनी अनिशा भन्छिन्,‘दिदीलाई विद्यालयमा शिक्षकले गरेको यौन दुव्र्यवहार न त घरमा बुबालाई भन्न सके, न विद्यालयको शिक्षक शिक्षिकालाई । शिक्षकबाट पटक–पटकको यौन दुव्र्यवहारको सिकार भएकी मेरी दिदीलाई शिक्षिका सुनिता थापाले समेत थप पीडा दिएकी छन् । हामीले पीडा सुनाउँदा शिक्षिका थापाबाट झन गाली र हप्काई खानु पर्यो ।’
कमलालाई टिफिन समय अघिसम्म कक्षा कोठामा बसेर पढ्न मन लाग्थ्र्यो, जब टिफिन समय सकिएको घण्टी बज्थ्र्यो, त्यसपछि उनीमा निराशा छाउने गरेको थियो । त्यति मात्रै होइन, कमलालाई विद्यालयमा भण्डारीले अंग्रेजी विषय नै नपढाए हुन्र्थाे जस्तो लाग्छ । टिफिनको लागि घण्टी बज्ने वितिक्कै उनी फेरी तनाबमा हुने गर्थिन कि फेरी कतै शिक्षकले आफुलाई यौन दुव्र्यवहारको सिकार बनाउँछन् भन्ने डरले । शिक्षकको सो हर्कतबारे शिक्षिका सुनिता थापालाई बताउंदा उनले उल्टै झपारेपछि पीडित कमला थप निराश थिइन् ।
शिक्षकले सिमा नै पार गरेपछि उनले सो घटना आफ्नो फुपुलाई बताइन । त्यसपछि भण्डारीको यौन दुव्र्यवहार बाहिरियो । जब कमलाले भोगेको सबै कुरा परिवारले थाहा पायो, त्यसपछि परिवारका सवै सदस्य तनाबमा देखिए । कमलालाई कसरी न्याय दिलाउने भन्ने सोचमा परिवार थियो तर अबस्था अहिले त्यस्तो छैन । उनीसंगै पढ्ने कमलाकी बहिनीका अनुसार कक्षा कोठामै कमलालाई शिक्षक भण्डारीले पछाडि लगेर कहिले स्तन समात्ने त कहिले योनाङग चलाउने तथा पुन्टि भन्दै बोलाउने गर्थे । उनले भनिन्,‘मैले शिक्षिका सुनिता थापालाई सरले दिदीलाई त्यस्तो व्यवहार गरे भन्दा उल्टै झपारे ।’ शिक्षकको यौन दुव्र्यवहार र शिक्षिकाले उल्टै झपारेपछि तर्सिएका उनीहरु अहिले विद्यालय जान छाडेका छन् । डरका कारण विद्यालय जान नसकेको र दिदीलाई सताएको पीडाले आफु पनि तर्सिएको बहिनीले सुनाइन् ।
घटना गाउँबस्तीमा फैलिएपछि…
सोही विद्यालयमा अध्ययनरत उनको भाइ ९ वर्षका छन् । दिदीलाई शिक्षकले यौन दुव्र्यवहार गरेको विषयमा बोल्ने भाइलाई पनि शिक्षक भण्डारीले पेटको उनले सुनाइन् । विद्यालयमा भएको उक्त घटना गाउँबस्तीमा फैलिएपछि विद्यालय प्रशासनले कतै नभन्न भन्दै पीडित परिवारलाई दबाब दियो । घटना लुकाउन प्रशासनले दबाब दिएपछि स्थानीय सुनिल तामाङले शिक्षकको फोटोसहित फेसबुकमा पोस्ट गरे । तर उनलाई पनि स्थानीय राजनीतिक दलका प्रतिनिधि र विद्यालय प्रशासनले दबाद दिएर पोस्ट डिलिट गर्न लगाए । विद्यालयका सञ्चालक समितिका अध्यक्ष अहिले फरार छन् । उनीमाथि दशैँमा मदिरा सेवन गरी कुटपिट गरेको आरोप छ । विद्यालय प्रशासनले पीडितपक्षलाई दबाब दिदैँ मुद्दा चलाए निकै खर्च हुने भन्दै धम्क्याएर मिलापत्र गराउन बाध्य बनायो ।
पीडितकी फुपु रामकुमारी सुनवारले भनिन्,‘अहिले कुरा मिल्यो । एक पटकलाई माफि दिनु भने शिक्षक अनि समाजले ।’ तर करकाप र दबाबमा मिलापत्र भएता पनि पीडितको मानसिक अवस्था ठिक नभएको उनले बताइन् । दशैअघि भएको उक्त घटना पीडितले गत महिनामा परिवारका सदस्यलाई सुनाएपछि मात्र गत पुस २४ गते घटना मिलाउन भन्दै बैठक बसेको थियो । पीडित परिवारका अनुसार स्थानीयले शिक्षकलाई जोगाउन सवै लागिपरेका छन् । व्यवस्थापन समितिका सदस्य रत्नकुमारी तामाङले पीडितको पक्षमा बोलेपछि उनलाई समेत खबरै नगरी घटना गुपचुप बनाएको उनलको आरोप छ । त्यसो त, विद्यालय व्यवस्थापन समितीका अध्यक्ष नै कुटपिट तथा ज्यान मार्ने अभियोगमा फरार छन् ।
यस्तो छ पीडितको भनाईः
आमा विदेश गएपछि गाउँमा भाइ, बहिनी र बुवा मात्रै भएपछि काठमाडौंबाट फेरि गाउँमै पढाउने निर्णय भयो । त्यसपछि बुवाले गाउँमा ल्याउनु भयो । एक वर्षअघि आमा आर्थिक अभावकै कारण विदेश गएपछि भुमेस्थानमा मलाई दशैँ अगाडि भर्ना गरिएको हो । तर विद्यालय गएको केहि दिनपछि विद्यालयका मोहन सरले मलाई छातीमा समाएर हात तलमाथि गर्नुभयो । सरले त्यसो गरेपछि हात हटाउनु भन्दै अर्काेतिर फर्किए । तर, सरले अरु विद्यार्थीले देख्ने भन्दै सबैलाई दैनिक क्रियाकलाप निकाल र गृहकार्य नगरेकाले गर्ने भन्दै भुलाउंथे । त्यसपछि मलाई सरले त्यस्तो गर्नुहुन्थ्यो । सरको कारण उनले पहिलेदेखिनै शारिरिक र मानसिक समस्या भोग्नु परेको सुनाइन् । सरले गर्ने गरेको व्यवहार सहनै नसकेपछि परिवारलाई भनेको भक्कानिंदै सुनाइन ।
