पोखरा–लेखनाथ महानगरपालिकाका मेयर मानबहादुर जिसीले आफूले सोचेजस्तो काम गर्न नसकेको स्वीकार गरेका छन् ।
बुधबार पोखरामा पत्रकार सम्मेलनको आयोजना गर्दै मेयर जिसीले एक वर्षमा भएका काम र आगामी योजना सार्वजनिक गर्दै कानुन अभाव, कर्मचारीको अभाव र परम्परागत ढंगले काम गरेका कारण सोचेअनुरुप हुन नसकेको बताए ।
उनले सडकको मापदन्ड, प्राकृतिक स्रोत–साधनको दोहन मुख्य चुनौतीकारुपमा रहेको औंल्याए ।
आगामी आर्थिक वर्षदेखि योजनासहित चुनावको बेला गरेका वाचा पूरा गर्ने प्रतिबद्धता मेयर जिसीको छ ।
