युएस नेपाल न्युज, काठमाण्डाै । नेपाल विद्युत् प्राधिकरणले काठमाण्डौका विभिन्न ठाउँमा आज विद्युत् कटौती गर्ने भएको छ ।प्राधिकरणको कुलेश्वर वितरण केन्द्र अन्तर्गतका विभिन्न ठाउँमा रुखका हाँगा कटान गर्नुपर्ने भएकाले विद्युत् कटौती गर्न लागिएको हो । प्राधिकरणका अनुसार आज बिहान ११ बजेदेखि बेलुका ५ बजेसम्म विद्युत् कटौती हुने भएको छ ।
प्राधिकरणका अनुसार सोल्टी दोबाटो, सिभिल होम्स, टौखेल, सीतापाइला, इचङ्गुनारायण, पद्मा कोलेनी, भीमढुङ्गा, नर्सरी भञ्ज्याङ, छत्रे देउराली लगायत ठाउँमा विद्युत् कटौती हुने सूचना अधिकारी लिलाकुमारी अर्यालले जानकारी दिनुभयो । प्राधिकरणले समय अगावै काम सकिए लाइन सञ्चालनमा आउने जनाएको छ ।
