युएस नेपाल न्युज, डाेटी – डोटीको सेती नदीमा नुहाउन गएका दुई जना स्वास्थ्यकर्मी नदीमा बगेर बेपत्ता भएका छन् ।
बझाङ घर भई डडेल्धुरा उप क्षेत्रीय अस्पतालमा कार्यरत स्वास्थ्य सहायक (हेल्थ असिटेण्ट) विनयबहादुर सिंह र ल्याब असिस्टेण्ट हरि जोशी नदीमा बेपत्ता भएका जिल्ला प्रहरी कार्यालय डोटीका प्रहरी प्रमुख तथा एसपी जनकराज पाण्डेले दिनुभयो।
शैलेश्वरी मन्दिर दर्शन गरि फर्कने क्रममा शिखर गाउँपालिका वडा नम्बर १० बानीडुग्रीसैनमा पर्ने सेती नदीमा पौडी खेल्ने क्रममा उनीहरु बेपत्ता भएका र उनीहरुको खोजी भैरहेको एसपी पाण्डेले बताउनुभयो ।
साउन लागेपछि मात्रै सेती नदीमा पौडी खेल्ने क्रममा चार जनाको ज्यान गैसकेको छ ।
