रोमानियामा आएको शक्तिशाली आँधीमा परेर ८ जनाको मृत्यु भएको छ । आँधीका कारण ६७ जना घाइते भएका छन् ।
प्रतिघण्टा एक सय किलोमिटरको दरले आएको आँधीले रोमानियाको तिमीसोएरा शहर बढी प्रभावित भएको छ ।
आँधीले अधिकांश घरका छाना उडाउनुका साथै सडकमा रुख ढलेका कारण यातायात सेवा अवरुद्ध भएको छ ।
खानेपानीको लाइन काटिएको छ भने विद्युत् आपूर्ति पनि अबरुद्ध बनेको छ ।
आँधी बिस्तारै युक्रेनतर्फ सर्दै गएको मौसमविद्हरुले बताएका छन् । आँधी प्रभावितहरुलाई सुरक्षित स्थानतर्फ सारिएको छ ।
