गजल सन्ध्या पोखराद्वारा आयोजित गजल वाचन कार्यक्रम सम्पन्न (फोटो फिचर)

गजल सन्ध्या पोखराद्वारा आयोजित गजल वाचन कार्यक्रम सम्पन्न (फोटो फिचर)
मनोरन्जन साहित्य

पोखरा, १३ माघ । ‘गजलको उत्थानः हाम्रो अभियान’ नारासहित हुँदै आएको गजल वाचनको यस पटकको शृंखलामा डेढ दर्जन नयाँ पुराना गजलकारहरुले दमदार गजल सुनाय ।

गजलकारले आफ्ना गजल मार्फत सरकारमाथि ब्यंग्य तथा खबरदारी गरे । निर्मला हत्याकाण्डदेखि समासामायिक विषयमा लेखिएका गजलहरुले मौहाल तताएको थियो ।

कार्यक्रममा बाबु त्रिपाठीले ३ गजल सुनाए । उनले ताली र वाहवाही बटुले ।

डा. वसन्त गौतम, लक्ष्मण थापा, सञ्जीव पौडेल, कपील शर्मा, अल्पज्ञानीका गजलले उस्तै मायामात्रै पाएन, हाँसो र माहोललाई रोमाञ्चक बनायो ।

कार्यक्रममा रुपिन्द्र प्रभावीले बाल गजल सुनाए । बालिका अभिलासी, देवी त्रिपाठी, शिव शंकल्प, अनिका सापकोटा, कमलराज रेग्मी, ईश्वर सुवेदी, सरोज केसी लगायतले गजल वाचन गरे ।

गजल सन्ध्या पोखराका अध्यक्ष अमृत सुवेदीले गजल वाचन निरन्तर चल्ने अभियान भएको बताए ।

Post Comment