अमेरिकाको टेक्सस राज्यको ड्यालसमा हुने ७ औ दशैं कप प्रतियोगितामा यस वर्ष नेपालका पूर्वराष्ट्रिय खेलाडी सुनिल तुलाधरलाई सम्मान गरिने भएको छ । तुलाधर हाल न्यूयोर्कमा बसोबास गर्दै आएका छन् ।
गत वर्ष छैठौ दशैं कप फुटबल प्रतियोगिता नेपालका पूर्व राष्ट्रिय खेलाडी देव नारायण चौधरीलाई सम्मानित गरिएको थियो । अमेरिकाको टेक्सस राज्यको ड्यालसमा बिगत छ वर्षदेखि संचालनमा रहेको यस वर्ष ७ औ दशैं कप फुटबल प्रतियोगिता आगामी अक्टोबर १४ तारिख हुने भएको छ ।
गत वर्ष उक्त प्रतियोगितामा क्यर्लिफोर्नियाको सन्निभेल टोली बिजेता बनेको थियो । हरेक वर्ष खेलकुद क्षेत्रमा बिशेष योगदान यस वर्ष पनि चर्चित पूर्वराष्ट्रिय खेलाडी तुलाधरको नाम छनौटमा परेको हो ।
७ औ दशैं कप भकुण्डो प्रतियोगिताको आयोजक ड्यालस गोर्खाज फुटबल टिम रहेको छ । नेपालीहरुको महान चाड बडा दशैंको उपलक्ष्यमा दशैँ अगाडि आयोजना गरिन्छ । यस पटक ३ वटा उमेरका श्रेणीमा खेल खेलाइनेछ ।
युवा टोलीमा २ वटा समूह, वयस्क टोलिमा २० वटा समूह तथा ३५ बर्ष भन्दा माथिको उमेरको टोलीमा ४ वटा समूहले भाग लिएका जानकारी ड्यालस गोर्खाज फुटबल टोलि का प्रबन्धक विनोद बिष्टले बताएका छन् ।
विजयी हुने समूहलाई नगद तथा पुरस्कार समेत गरेर कुल ४ ४,३०० डलरको व्यवस्था गरिएको छ । दर्ता बन्द भै सकेको छ भने अब तयारी अवस्थामा पुगेको बताइएको छ ।
ड्यालस गोर्खाज फुटबल टोली विष्टले हरेक वर्ष खेलकुद क्षेत्रमा बिशेष योगदान गरेका खेलाडीलाई सम्मान गर्ने कार्यक्रमलाई निरन्तरता दिने बताए ।
