टेक्सासमा नेपाली आध्यात्मिक तथा सांस्कृतिक केन्द्रको आयोजनामा नेपालीमूलका बालबालिकाहरूका लागि आयोजित ८ दिने आध्यात्मिक शिविर आइतबार समापन भएको छ ।
चिन्तामणि योगीद्वारा सञ्चालित शिविरमा डिएफडब्लु एरियाका झण्डै एकसय नेपाली बालबालिकाहरूको सहभागिता थियो । समापन समारोहमा बालबालिकाहरूले आफ्नो कला प्रस्तुत समेत गरे ।
त्यस अवसरमा सहभागी बालबालिका, अभिभावक सञ्जय घिमिरेले शिविरका विषयमा समीक्षा गर्दै निरन्तरताको अपेक्षा गरे ।
कार्यक्रममा सहभागी बालबालिकाहरूलाई ट्रफी समेत वितरण गरिएको थियो । त्यस अवसरमा मुख्य प्रशिक्षक चिन्तामणि योगीले नैतिक र चरित्रवान हुन बालबालिकाहरूसँग आग्रह गरेका थिए । ड्यालसमा आयोजित यो शिविर सातौँ हो ।
