इटहरी उपमहानगरपालिकाका प्रमुख द्वारिकलाल चौधरीले आफ्नै घरमा डोजर लगाएर कम्पाउण्ड वाल भत्काएका छन् ।
वडा नं १७ स्थित पूर्वपश्चिम राजमार्गमा रहेको उनको घरको परिसर सडकमा परेको भनेर आलोचना भएपछि आज आफैं उपस्थित भएर पर्खाल भत्काउन लगाएका हुन् ।
प्रमुख चौधरीले यसअघि सार्वजनिक जग्गा मिच्नेहरुको संरचना भत्काउने अभियान चलाएका थिए । उनले पहिले आफ्नो घरको परिसरको पर्खाल भत्काएर अभियान चलाउन लागेका हुन् ।
मेयर चौधरी पत्रकारको खुट्टा भाँच्न करोड रूपैयाँ छुट्याएको अभिव्यक्ति दिएपछि विवादमा आएका थिए । विवादपछि पत्रकारलाई होच्याउने आफ्नो उद्देश्य नभएको भन्दै माफी मागेका थिए ।