जुन ४, २०१७
कोलोराडो, अमेरीका । नेपालीहरुको सकृयतामा गठित हिमालयज लायन्स क्लब लङमन्टको नया कार्यसमितीको परिचयात्मक कार्यक्रम एक भब्य समारोह बिच सम्पन्न भयो ।
लङमन्ट स्थित एभरेष्ट रेष्टुरेन्टमा सम्पन्न कार्यक्रममा लायन्सका पाष्ट ईन्टर नेसनल डिरेक्टर केन स्काउल्स, लायन्स ६ नर्थ ईष्टका डिष्ट्रिक गर्भनर केननोर गिल, ग्वोवल मेम्बर चेयर पर्शन देवमेण्डल हल, लायन्स ६ नर्थ ईष्ट डिष्ट्रिकको आगामी गर्भनर डेबिड डे, लायन्स ६ नर्थ ईष्टका बिभिन्न क्लबका पदाधिकारी, नेपाली संघ संस्थाका पदाधिकारी, नेपाली भाषा कक्षाका सहभागी छात्र छात्रा र तिनका अभिभावक व्यवसायी ,पत्रकार गन्यमान्य तथा सर्वसाधरणको बाक्लो उपस्थिती रहेको थियो ।
नेपाल र अमेरिकाको राष्ट्रिय गान पछि लायन्स ६ नर्थ ईष्टका डिष्ट्रिक गर्भनर केननोर गिलद्धारा पानसमा बत्ती बालेर सुरु गरिएको कार्यक्रममा संस्थाका मेम्बरसिप चेयर पर्सन नारायण श्रेष्ठले सबैलाई स्वागत गरेका थिए भने स्मिता प्रधान, आस्विनी श्रेष्ठ, सचिब प्रमोद श्रेष्ठ, अध्यक्ष जोशन श्रेष्ठले बिभिन्न बिषयमा मन्तब्य दिएका थिए । कार्यक्रममा यसोदा भट्टले लायन्सको गतिविधी संगटिएको कवितामा प्रस्तुत गरेकी थिईन् ।
कार्यक्रमको दोश्रो सत्रमा लायन्सको बृक्ष रोपण, खाना बितरण, नेपाली भाषा कक्षा लगायत बिभिन्न क्षेत्रमा सहयोग गर्नेहरुलाई प्रसंसा पत्र, नेपाली भाषा कक्षामा सहभागी छात्र छात्रा निरन्तर सहभागीताको प्रमाण पत्र, यस कार्यकालका कार्यसमितीका पदाधिकारीहरुलाई कार्यकाल सफल बनाउन सकृय सहयोग गरेबापतको सम्मान पत्र प्रदान गरिएको थियो ।
त्यसैगरी कार्यक्रमको अन्त्यमा आगामी कार्यकालका पदाधिकारीको घोषणा गरिएको थियो । यसरी सर्वसम्मत तरिकाबाट आगामी कार्यकालको लागी छनोट भएका पदाधिकारीहरुमा अध्यक्ष प्रमोद श्रेष्ठ, प्रथम उपाध्यक्ष विकल पराजुली, द्धितिय उपाध्यक्ष पूर्ण श्रेष्ठ, तृतिय उपाध्यक्ष प्रेमकाजी श्रेष्ठ, सचिव उज्जल सुनुवार, कोषाध्यक्ष संजय प्रधान, मेम्बरसिप चेयरपर्शन नारायण श्रेष्ठ र कम्यूनिकेसन अफिसर नातिबाबु भट्ट रहेका छन् ।
कार्यक्रममा ग्लोवल फोरमका अध्यक्ष तिर्थ बर्मा, ब्लड डोनर्स अफ अमेरिकाका केन्द्रिय सदस्य भुषणलाल श्रेष्ठ, संखुवासभा समाजका अध्यक्ष शान्ति श्रेष्ठ, नेवा ख:लका अध्यक्ष प्रेमकाजी श्रेष्ठ, यूएस नेपाल न्यूजका विकल पराजुली, रकि माउन्टेण्ड फ्रेन्डस् अफ नेपालका दिपक सुनुवार लगायत बिभिन्न संघ संस्थाका पदाधिकारीहरुको उपस्थिती रहेको थियो । आजै हिमालयज लायन्स क्लब लङमन्टको आयोजनामा ६ नर्थ ईष्ट डिष्ट्रिको क्याविनेट मिटीङ सोही स्थानमा सम्पन्न भएको थियो । सो कार्यक्रममा रिहाना कार्कीले टिपीकल नेपाली पहिरन लगाएर नेपाली संगीतमा कुसल नृत्य प्रदर्सन गरेकी थिईन् ।
