एजेन्सी, २८ बैशाख । कोरोना भाइरस नियन्त्रणका लागि ट्रम्पले लिएको नीतिकोे विरोध गर्दै पूर्व अमेरिकी राष्ट्रपति बाराक ओबामाले बर्तमान राष्ट्रपति डोनाल्ड ट्रम्पको कडा शब्दमा आ लोचना गरेका छन् । ओबामाले अहिलेको ट्रंपको प्रयास ‘अ राजक संकट’ को जस्तो रहेको टिप्पणी गरेका हुन् ।
ओबामाले दिएको अभिव्यक्तिको जवाफमा अमेरिकी राष्ट्रपतिको कार्यालयले भने ट्रम्पको कदम अभूतपूर्व रहेको र यसले धेरै अमेरिकी नागरिकको ज्या न जोगाएको दाबी गरेको छ । अमेरिकामा कोरोना भाइरसबाट अहिलेसम्म ८० हजार मानिसको मृ’त्यु भएको छ भने १३ लाख ४७ हजारभन्दा बढी संक्रमित भएका छन् ।
यसैबीच ओबामाले आगामी नोभेम्बरमा हुन गइरहेको राष्ट्रपति निर्वाचनमा जोन बाइडनको समर्थन गर्दै आफूले महत्वपूर्ण भूमिका निर्वाह गर्न चाहेको पनि उल्लेख गरेका छन् । पूर्व कर्मचारीहरुलाई बाइडनको राष्ट्रपतीय निर्वाचन टोलीसँग काम गर्न प्रेरित गर्ने क्रममा ओबामाले यस्तो बताएका हुन् ।
कोरोना भाइरसको महामारी नियन्त्रणको तौरतरिकाप्रति मुलुकभित्र र बाहिर ट्रम्पको आलोचना भइरहेका बेला ओबामाले पनि निशाना साँधेका हुन् । यद्यपि, राष्ट्रपति ट्रम्पले भने अमेरिकामा कोरोना भाइरसको महामारी फैलिनुमा डब्ल्यूएचओ, चीन र विपक्षी डेमोक्रेटिक पार्टी दोषी रहेको आरोप लगाउँदै आएका छन् ।
