काठमाडौ, साउन २८ । काठमाडौंमा जारी नेपाली कांग्रेसको भातृ संगठन नेविसंघको महाधिवेशनमा मतदाता सुचीमा विवाद देखिएको छ ।
मतदाता सुचिमा विवाद देखिए पछि नयाँ नेतृत्व चयनका लागि आज हुने भनिएको निर्वाचन प्रक्रिया प्रभावित बनेको छ ।
पार्टीको निर्देशक समितिले गएराति अबेरसम्म छलफल गरेर विवाद मिलाएको दाबि रहेको छ ।
यसअघि करिब ३३ सय प्रतिनिधि रहेको बताइएपनि विवादका कारण ३५ सय प्रतिनिधि पुगेको छ ।
प्रतिनिधिको सुचीमा सहमति जुटेसँगै निर्वाचन समितिले आज मतदाताको अन्तिम नामवली सार्वजनिक गर्नेछ । सम्वभतः भोलीबाट निर्वाचन प्रक्रिया सुरु हुने र आइतबार निर्वाचन हुने निवि संघका नेताहरुले बताएका छन् ।
