आज कोलोराडोको अरोरा शहरले आयोजना गरेको ग्लोवल फेस्ट २०१६ मा रकी माउन्टेन फ्रेन्ड्स अफ नेपालको नेतृत्वमा नेपालले सहभागिता जनाएको छ ।
चालीस राष्ट्रको सहभागिता रहेको उक्त फेस्टिवलमा प्रत्येक सहभागीहरुले आफ्नो राष्ट्रको भेषभुषामा सहभागिता जनाएका थिए । उक्त कार्यक्रममा नेपालीहरुले विभिन्न नेपाली भेषभुषाको फेशन शो गरेका थिए । नेपालीहरुले नेपालीको राष्ट्रीय पोसाक, गुरुङ, तामाङ तथा नेवारीभेषभुषामा आफ्नो प्रस्तुती गरेका थिए । उक्त कार्यक्रममा प्रस्तोताले नेपाली ढाका टोपिदेखी लिएर सम्पूर्ण नेपाली भेषभुषाको छुट्टा-छुट्टै जानकारी दिएका थिए ।
यस फेस्टिवलमा भएका अनेक कार्यक्रम मध्य एक प्रमुख कार्यक्रम “परेडस अफ नेसन” मा रकी माउन्टेन फ्रेन्ड्स अफ नेपालका महासचिव बिनोद राज त्रिपाठीले नेपालको झण्डा लिएर आफ्नो देशको प्रतीनिधित्व गर्नुभएको थियो ।
सांस्कृतिक कार्यक्रम समेत रहेको यस फेस्टिवलमा छोटो समयमा प्राप्त सुचनाका कारणले गर्दा सांस्कृतिक कार्यक्रममा सहभागिता जनाउन नसकिएको कुरा रकी माउन्टेन फ्रेन्ड्स अफ नेपालका सल्लाहकार रमेश गुरुङ्ले बताउननुभएको थियो । जुन रुपमा सहभागिता भएको छ, त्यसलाई नै उपलब्धिपूर्ण मान्नुपर्ने कुरा गुरुङ्ले थप्नुभयो ।
