निर्वाचन आयुक्त ईश्वरी प्रसाद पौडेलले दोस्रो चरणको निर्वाचनको मतगणना गर्दा दलीय प्रतिनिधिलाई मत पत्र छुन नदिइने बताएका छन् । जिल्लामा निर्वाचनको तयारीका बिषयमा जिल्ला प्रशासन कार्यालयले शनिबार आयोजना गरेकोे अन्तरक्र्रिया कार्यक्रममा बोल्दै आयुक्त पौडेलले यस्तो बताएका हुन् ।
निर्वाचन बिरोधी काम गर्ने जुन सुकै दल तथा समुहलाई नछोडिने उनले बताए । निर्वाचनमा बालबालीका प्रयोग गर्नु अपराध भएको भन्दै त्यस्ता काम तत्काल रोक्नुपर्नेमा उनले जोड दिए ।
मतदातालाई पायक पर्ने स्थानमा मतदान केन्द्र राख्ने निर्वाचन आयोगको चाहना भए पनि जिल्लाबाट दलीय सहमति अनुसार तोकिएको केन्द्रलाई नै आफुहरुले कायम गरेको पौडेलले बताए ।
निर्वाचनमा सुरक्षा चुनौतीलाई मध्य नजर गर्दै बिशेष सुरक्षा रणनीति तयार पारिएको क्षेत्रीय प्रशासक बेगेन्द्र राज शर्माले बताए । हामीले तराई र पहाडका जिल्लामा बिशेष सुरक्षा नीति बनाएका छौ, ‘जिल्लाको कुनै ठाउँमा सुरक्षा कमजोर भएको जानकारी आए २० देखी ३० मिनेट भित्र हवाई मार्फत सुरक्षाकर्मी परिचालन गरिने छ ।’
जिल्लाका सबै मतदान केन्द्रमा निर्वाचन साम्रागी सहित ९ सय ९६ कर्मचारी खटिएको मुख्य निर्वाचन अधिकृत केशबप्रसाद बास्तोलाले बताए
