सन् २०१९ को अमेरिकी डाइभर्सिटी भिसा (डीभी)का लागि आवेदन फारम पुनः खुला भएको छ ।
यसअघि नै डीभीका लागि आवेदन फारम खुला गरिएपनि इडीभी वेबसाइटमा प्राविधिक त्रुटि आउँदा बीचमा बन्द भएको थियो ।
सन् २०१९ को डीभी कार्यक्रमका लागि नयाँ डीभी फारम भर्ने समय कात्तिक १ गते बुधबार राति ९ः४५ बजेदेखि आगामी मंसिर ६ गते बुधबार राति १०ः४५ बजेसम्म कायम गरिएको काठमाडौंस्थित अमेरिकी दूतावासले जनाएको छ ।
यो वर्षको डीभी कार्यक्रमका लागि कात्तिक १ अगावै आवेदन फारम भर्नेहरुले पनि फेरि आवेदन दिनुपर्नेछ । यो मितिभन्दाअघि आवेदन भर्दा दिइएको कन्फर्मेसन नम्बर काम नलाग्ने दूतावासले जारी गरेको विज्ञप्तिमा उल्लेख छ ।
डीभीको नयाँ आवेदन अवधिमा एकपल्टभन्दा धेरैपटक आवेदन दिएमा आवेदक अयोग्य ठहरिने पनि जनाइएको छ ।
अमेरिकी दूतावासको विज्ञप्ति पढ्नुहोस्
