गैरआवासीय नेपाली संघ (एनआरएन)ले कुवेतमा मृत्युदण्ड सजाय सुनाइएकी नेपाली चेली डोल्मा शेर्पाको नाममा संकलन भएको रकम उनलाई नदिने भएको छ ।
एनआरएनएको नवनिर्वाचित कार्यसमितिले करिव साढे ३१ लाख रकम संघको आपतकालीन बैदेशिक रोजगार कोषमा जम्मा गर्ने निर्णय गरेको हो ।
रोजगारीका क्रममा कुवेत पुगेकी डोल्मालाई मृत्युदण्डको सजाय सुनाएपछि ब्लडमनीका लागि एनआरएनएले रकम संकलन गरेको थियो । ‘डोल्मा बचाउ अभियान’का क्रममा ३७ लाख ४९ हजार ७४१ रुपैयाँ जम्मा भयो ।
त्यसमध्ये एनआरएनले १३ लाख (सुरुमा ३ र पछि १० लाख) परराष्ट्र मन्त्रालयमा पठाएको छ । ३ लाखको चेक साटेपछि बाँकी रकम सरकार आफैंले संकलन गरेको भन्दै १० एनआरएनएले दिएको १० लाख पनि खर्च गरेन ।
८ फेब्रुअरी २००९ मा एनआरएनको अन्तराष्ट्रिय समन्वय परिषदले डोल्माको छोराको अध्ययनका लागि अध्यक्षकोष संकलन गर्न ३ लाख दिने र बाँकी ३१ लाख ४९ हजार ७४१ रुपैयाँ संघको आपतकालीन बैदेशिक रोजगार कोषमा जम्मा गरी यस्तै खाले अन्य काममा प्रयोग गर्ने निर्णय गरेको थियो ।
त्यसअनुसार ३ लाख डोल्माको छोरालाई हस्तान्तरण भइसकेको छ भने बाँकी रकम एनआरएनको खातामा छ ।
‘ब्लडमनी’ उपलब्ध भएपछि डोल्माको मृत्युदण्ड जेल सजायमा परिणत भयो । तोकिएको जेल सजाय पुरा गरेर उनी नेपाल पनि फर्किसकेकी छन् ।
उनी नेपाल फर्किएपछि ब्लडमनीका लागि उठाएको रकम कहाँ छ भनेर सोधीखोजी भएको छ । तर, एनआरएनएले डोम्मा बचाउ अभियानको रकम उनलाई नदिई कोषमा राख्ने निर्णय कायमै रहेको जानकारी दिएको छ ।
एनअारएनले प्रकाशित गरेको विज्ञप्ति
